Tibetan
པར་ཡང་མི་བླང་ངོ་། །འདོད་པ་ལོག་པར་མི་སྤྱད་ཅིང་། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ཡི། །ཆང་ནི་རྣམ་པར་སྤང་བར་བྱ། །སེམས་ཅན་གདུལ་ ཕྱིར་མ་གཏོགས་པ།།བྱ་བ་མ་ཡིན་ཐམས་ཅད་སྤང་། །བདག་ནི་དུས་འདི་ནས་བཟུང་ནས། །བྱང་ཆུབ་སྙིང་པོར་མཆིས་ཀྱི་བར། །དེ་བཞིན་བླ་མེད་བྱང་ཆུབ་སེམས། །དམ་པ་བདག་གིས་བསྐྱེད་པར་བགྱི། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་ པ།།སངས་རྒྱས་རྣལ་འབྱོར་སྡོམ་པ་ལ། །བསླབ་པ་ཡི་ནི་ཚུལ་ཁྲིམས་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་གཟུང་བར་བྱ། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་ གསུམ།།དེ་རིང་མཆོག་ཏུ་གཟུང་བར་བགྱི། །རྡོ་རྗེ་རིགས་མཆོག་ཆེན་པོ་ལ། །ཕྱག་རྒྱ་དྲིལ་བུ་ཕྱག་རྒྱ་ཡང་། །དེ་ཁོ་ན་ཉིད་གཟུང་བར་བྱ། །སློབ་དཔོན་དག་ཀྱང་གཟུང་བར་བྱ། །རིན་ཆེན་རིགས་མཆོག་སྦྱོར་བ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་ བཞིན་དུ་དུས་དྲུག་ཏུ།།སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་མཆོག་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་རབ་ཏུ་གཟུང་། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ ནི།།ཐམས་ཅད་དུ་ནི་རབ་ཏུ་གཟུང་། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་དེ་ནི་བསྐྱེད་ནས་སུ། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་བསྒྲལ་བ་རྣམས་བདག་གིས་བསྒྲལ། །མ་གྲོལ་ བ་རྣམས་དགྲོལ་བར་བགྱི།།དབུགས་མ་ཕྱུང་བ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །དེ་ནས་སློབ་མ་མདུན་བདར་ལ། །གནས་གསུམ་དྲི་ཡི་ཐིག་ལེ་ཡང་། །ཡིག་གསུམ་བཟླས་ཏེ་བསྐུ་བར་བྱ། །སྐུ་གསུང་ཐུགས་ཀྱི་ལྷ་གསལ་ལ། །སྤྱི་བོར་ མེ་ཏོག་སྦོས་མར་མེ།།དྲི་ཡང་སྙིང་གར་ཞལ་ཟས་རྣམས། །ཀུན་བྱེད་བཟླས་ཏེ་མཆོད་བྱས་ནས། །དུས་འདི་ཉིད་ནས་བཟུང་ནས་ནི། །འཁོར་བའི་ཉེས་པས་མ་ཕོག་པར། །མཆོད་པ་ཀུན་དང་ལྡན་པར་ནི། །དུས་ཀུན་དུ་ནི་བདེ་པར་གནོས། ། ཤྭད་ཨུ་དུམ་བཱ་ར་ ཡི།།སོ་ཤིང་སོར་ནི་བཅུ་གཉིས་པ། །མ་ཡོ་མ་གས་སྲོག་ཆགས་མེད། །རྩེ་མོ་མེ་ཏོག་བཅས་པ་སྦྱིན། །ཤར་རམ་བྱང་དུ་ཁ་བལྟས་ཏེ། །བཅས་ནས་ལྟོས་པ་མེད་པར་ནི། །བ་ཀོ་ཙམ་གྱིས་བྱུགས་པར་དོར། །དངོས་གྲུབ་ཕྲིན་ལས་བར་ཆད་གསུམ། །དངོས་ གྲུབ་མཆོག་ནི་ཤར་ཕྱོགས་དང་།།རང་ལ་བལྟས་པར་ཤེས་པར་བྱ། །འབྲིང་ནི་གཞན་ལ་ཐ་མ་ཡང་། །འོག་ཏུ་བལྟས་པར་ཤེས་པར་བྱ། །ོཾ་ཧྲིཿ་བི་ཤུདྡྷཱཿ་སརྦ་དྷརྨཱཿ། སརྦ་པཱ་པ་ནི་ཤྩ་སཾ་ཤོ་དྷ་ཡ། །སརྦ་བི་ཀ་ལྤཾ་ཨ་པ་ན་ཡ་ཧཱུཾ། ཞེས་པས། སྐྱོར་ཆུ་ལན་ གསུམ་བླུད་པར་བྱ།།སྲད་བུ་དམར་པོས་ཁྱད་པར་དུ། །མདུད་ལ་གནོད་མཛེས་སྔགས་བཟླས་ཏེ། །དཔུང་པར་བཅིངས་ལ་བསྲུང་བར་བྱ། །དེ་ནས་ཕྱིར་མི་ལྡོག་བྱའི་ཕྱིར། །སློབ་མ་རྣམས་ལ་སྤྲོ་བ་བསྐྱེད། །འཇིག་རྟེན་དུ་ནི་ཀུན་མཁྱེན་རྣམས། །ུ་དུམ་བཱ་རའི་མེ་ཏོག་ བཞིན།།བརྒྱ་ལམ་ན་ནི་རེས་འགའ་ཞིག་།འབྱུང་གྱུར་ཡང་ནི་མི་འབྱུང་ངོ་། །གསང་སྔགས་སྤྱོད་ཚུལ་ཆོ་ག་ནི། །དེ་བས་ཀྱང་ནི་དཀོན་པ་སྟེ། །གང་གིས་མཉམ་མེད་སེམས་ཅན་དོན། །གྲགས་པ་མཐའ་ཡས་སྤྱོད་པ་ཡིས། །མྱ་ངན་མི་འདའ་བྱེད་པར་ནུས། །བསྐལ་པ་བྱེ་བ་ དུ་མ་རུ།།སྡིག་པ་བགྱིས་པར་གྱུར་པ་གང་། །དེ་ཀུན་དཀྱིལ་འཁོར་འདི་འདྲ་བ། །མཐོང་བས་བྱང་བར་འགྱུར་ལེགས་ན། །གྲགས་པ་མཐའ་ཡས་སྤྱོད་པ་ཡི། །ཚུལ་ལ་གནས་པ་སྨོས་ཅི་དགོས། །དེ་ལྟར་སྤྲོ་བ་བསྐྱེད་ནས་ཀྱང་། །ཡི་གེ་བདུན་པའི་སྔགས་བཟླས་ པའི།།ཀུ་ཤ་དེ་ལ་རབ་ཏུ་སྦྱིན། །རྨི་ལམ་དགེ་དང་མི་དགེ་བརྟག་།ཚོགས་འཁོར་བྱས་ལ་བཀྲ་ཤིས་བརྗོད། །གཏོར་མ་བཏང་ནས་ཡེ་ཤེས་གཤེགས། །དམ་ཚིག་བསྡུས་ལ་ཅི་བདེར་གནས། །སློབ་མ་སྟ་གོན་ནོ། །སྲད་བུ་ཡེ་ཤེས་ལྔར་ལྡན་ཞིང་། །ཉི་ཤུ་རྩ་ལྔར་ རྣམ་ཕྱེ་བས།།ཆོས་ཀུན་ངོ་བོ་ཉིད་ཀྱིས་ནི། །སྲད་བུ་ཕན་ཚུན་བསྒྲིལ་བར་བྱ། །ོཾ་ཨ་ནྱོ་ནྱ་ཨ་ནུ་ག་ཏ་སརྦ་དྷརྨཱཿ་སྤ་ར་སྦ་ར་ཨ་ནུ་པྲ་བི་ཥྚ་སརྦ་དྷརྨཱཿ་ཨ་ཏྱ་ན་ཏ་ཨ་ནུ་པྲ་བིཥྚ་སརྦ་དྷརྨཱཿ། དཀྱུས་སུ་དཀྱིལ་འཁོར་ཉིས་འགྱུར་ལ། །སྦོམས་སུ་སྒོ་ཡི་ཉི་ཤུ་ཆ། །བདུད་རྩི་ བརྒྱས་ནི་བྱུག་པར་བྱ།།ཡེ་ཤེས་ཐིག་ནི་བསྐྱེད་ནས་སུ། །ཛཿ་གསུམ་བརྗོད་ནས་ལྟེ་བར་ནི། །གཡོན་པའི་ཁུ་ཚུར་གྱིས་བཟུང་ནས། །བློ་ལྡན་ནམ་མཁར་ཐིག་གདབ་བྱ། །དེ་བཞིན་ས་ལ་གདབ་པར་བྱ། །ཁྲུ་ཕྱེད་ལ་སོགས་བརྩམས་ནས་ནི། །ཇི་སྲིད་ཁྲུ་ནི་བརྒྱ་ ཡི་བར།།དང་པོ་ཚངས་པའི་ཐིག་ཡིན་ཏེ། །གཉིས་པ་ལ་ནི་ཟུར་ཐིག་གདབ། །གསུམ་པ་ཕྱོགས་ཀྱི་ཐིག་བཏབ་ལ། །བཞི་པ་ཆ་ཆེན་བཅུ་དྲུག་གདབ། །ཆ་ཕྲན་བཞི་བཞིར་བགོས་བྱས་པ། །སྤྱིར་ན་ཆ་ཆུང་དྲུག་ཅུ་བཞི། །ངོས་གཅིག་ལ་ནི་སུམ་ཅུ་གཉིས། །དཀྱིལ་ འཁོར་ནང་ལ་བཅུ་དྲུག་ལས།།གཉིས་ལ་གཙོ་བོའི་ཕོ་བྲང་སྟེ། །གསུམ་བཞི་ལྔ་དྲུག་བདེ་ཆེན་གྱི། །འཁོར་ལོ་པདྨ་འདབ་བརྒྱད་བྱ། །བདུན་པ་གྲི་གུག་ཕྲེང་བ་ལ། །བརྒྱད་དང་དགུ་པ་ཐུགས་འཁོར་ལོ། །བཅུ་པ་རྡོ་རྗེ་ཕྲེང་བ་སྟེ། །བཅུ་གཅིག་བཅུ་ གཉིས་གསུང་ཡིན་ཏེ།།བཅུ་གསུམ་པདྨའི་ཕྲེང་བའོ། །བཅུ་བཞི་བཅོ་ལྔ་སྐུ་ཡིས། །བཅུ་དྲུག་འཁོར་ལོའི་ཕྲེང་བས་བསྐོར། །དེ་ནི་ནང་གི་དཀྱིལ་འཁོར་ལ། །ཕྱི་ཡི་དཀྱིལ་འཁོར་མཚན་ཉིད་ཀྱང་། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་ བ་དྲ་ཕྱེད་འཕྱང་བ་མཛེས།།གཡེར་ཁའི་ཕྲེང་བའི་དྲ་བ་ཅན། །མཚམས་ཀྱི་ཆ་ནི་ཐམས་ཅད་དང་། །སྒོ་ཁྱུད་ཀྱི་ནི་ནང་རྣམས་སུ། །རྡོ་རྗེ་རིན་ཆེན་གྱིས་སྤྲས་དང་། །རྡོ་རྗེ་ར་བ་མེ་འོད་བཅས། །དཀྱིལ་འཁོར་དེ་ཡི་ཕྱི་རོལ་དུ། །ཤིང་ལ་སོགས་པའི་དུར་ཁྲོད་བྱ། །གཞན་ ཡང་འཁོར་ལོའི་རྗེས་མཐུན་པར།།ཇི་ལྟར་མཛེས་པ་རབ་ཏུ་བརྟག་།ཐིག་སྐུད་ཆད་ན་སློབ་དཔོན་འཆི། །དམན་དང་ལྷག་པས་ནད་འབྱུང་སྟེ། །ཕྱོགས་ལ་འཁྲུལ་ན་སློབ་མ་མྱོས། །དེ་བས་སྐྱོན་མེད་ཤེས་པར་བྱ། །ཐིག་གདབ་པའོ།། །།རིན་ཆེན་ལྔ་ཡི་ཕྱེ་ མའམ།།ཡང་ན་འབྲས་ལ་སོགས་པ་སྟེ། །རོ་བསྲེགས་སོལ་བའི་ཕྱི་མའམ། །དུར་ཁྲོད་སོ་ཕག་ལྡན་པ་ལ། །བྷྲཱུཾ་ཁཾ་ལ་སོགས་ཡིག་འབྲུ་ལྔ། །ཡོངས་འགྱུར་ཚོན་རྩི་ལྔ་རུ་བསམ། །སློབ་དཔོན་དབང་ལྡན་ཕྱོགས་སུ་ནི། །སོང་སྟེ་མཉམ་པར་བཞག་ནས་སུ། ། ལག་པ་གཡོན་པའི་ཁུ་ཚུར་གྱིས། །རི་མོ་ལྔ་ནི་དགྱེ་བར་བྱ། །འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་སྒྲོལ་མཛད་པ། །རྡོ་རྗེ་སེམས་དཔའ་རྒྱལ་པོ་ཆེ། །དེ་བཞིན་གཤེགས་པ་ཀུན་གྱི་གནས། །མེ་ལོང་ལ་སོགས་རིམ་བརྗོད་ནས། ། དཀར་དང་སེར་དང་དམར་དང་ལྗང་། །ཀུན་གྱི་ནང་རོལ་ནག་པོ་རུ། །ཚོན་གྱི་ཆ་ནི་རིམ་བཞིན་དགྱེ། །ཚོན་རྩི་རེ་རེའི་ཞིང་དུ་ནི། །སྒོ་ཡི་ཉི་ཤུ་ཆ་ཡི་ཚད། །ཕན་ཚུན་བར་དུ་ནས་རེ་ཙམ། །མཐོ་ལ་དྲང་བར་བྲི་བར་བྱ། །གལ་ཏེ་ཚོན་རྩི་མི་མཉམ་ཞིང་། །ཡོ་དང དམའ་བར་གྱུར་ན་ནི།།རི་མོ་དམའ་བས་དངོས་མི་འགྲུབ། །ཡོན་པོས་གདུང་བསྐྱེད་བྱེད་པ། །དེ་ཉིད་མཐོ་བས་ནད་དུ་འགྱུར། །ཆད་ན་སློབ་དཔོན་སློབ་མ་དག་།གཉིས་ཀ་འཆི་བར་ཤེས་པར་བྱ། །གཡས་སྐོར་མ་ཡིན་བྲིས་ན་ནི། །རྡུལ་ཚོན་ཕུར་བུས་གདབ་ པར་འགྱུར།།དབུས་སུ་སྣ་ཚོགས་པདྨ་ནི། །གེ་སར་ཡང་དག་ལྡན་པ་ལ། །མཚམས་སུ་བུམ་པ་ཐོད་པས་བརྒྱན། །གསེར་གྱི་མདོག་ཏུ་བྲི་བར་བྱ། །མཐིང་ཤུན་ཕྱེ་མ་ལ་སོགས་པས། །ཐུགས་ཀྱི་འཁོར་ལོ་རྩིབས་བརྒྱད་པ། །རྡོ་རྗེ་འཁོར་ལོས་བསྐོར་བར་བྱ། །བྱུ་ རུ་ལ་སོགས་མདོག་འདྲ་བས།།གསུང་གི་འཁོར་ལོ་རྩིབས་བརྒྱད་པ། །པདྨའི་ཕྲེང་བས་བསྐོར་བ་བྲི། །མུ་ཏིག་ལ་སོགས་ཕྱེ་མས་ནི། །སྐུ་ཡི་འཁོར་ལོ་བྲི་བྱས་ཏེ། །འཁོར་ལོའི་ཕྲེང་བས་བསྐོར་བར་བྱ། །ཇི་ལྟར་པདྨའི་ཁ་དོག་བཞིན། །སྒོ་བཞིའི་ཆ་ཡང་དེ་བཞིན་ ཏེ།།ཤར་ཕྱོགས་སུ་ནི་དཀར་པོ་སྟེ། །ལྷོར་ནི་སེར་པོ་ཡང་དག་ལྡན། །ནུབ་ཀྱི་ཆ་ནི་དམར་པོ་སྟེ། །བྱང་དུ་མརྒད་ཡང་དག་ལྡན། །དབུས་ཀྱི་ས་ཡི་ཆ་ཉིད་ནི། །ིནྡྲ་ནཱི་ལ་འོད་འབར་བའི། །གྲཝ་ཡི་ཆ་ནི་ཐམས་ཅད་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་ ཆེན་གྱིས་སྤྲས་པ།།མཉམ་པར་གཞག་པས་ཡང་དག་བྲི། །རྡོ་རྗེ་ར་བའི་ནང་དུ་ནི། །དུར་ཁྲོད་བརྒྱད་ཀྱིས་བརྒྱན་པ་སྟེ། །གཏུམ་དྲག་དེ་བཞིན་ཚང་ཚིང་དང་། །རྡོ་རྗེ་འབར་བ་ཀེང་རུས་ཅན། །དབང་ལྡན་དུ་ནི་མི་ཟད་གཞན། །བྱིན་ཟ་རུ་ནི་བཀྲ་ཤིས་མཆོག་། མུན་པ་དྲག་པོ་བདེན་བྲལ་དུ། །རླུང་དུ་ཀཱི་ལི་ཀཱི་ལའི་སྒྲ། །ཤར་དུ་ཤིཪྵ་ཨ་ཤྭད་ཤིང་། །ཀང་ཀེ་ཁྱད་པར་ཙུ་ཏའི་ཤིང་། །བ་ད་དེ་བཞིན་ཀ་རཉྫ། །ལ་ད་བར་ཀ་པར་ཐི་ཀ་། དབང་པོ་དེ་བཞིན་གནོད་སྦྱིན་དང་། །ཀླུ་ཡི་དབང་དང་གཤིན་རྗེའི་བདག་།དབང་ལྡན དེ་བཞིན་བྱིན་ཟ་དང་།།སྲིན་པོའི་དབང་པོ་རླུང་གི་བདག་།བ་སུ་ཀི་དང་འཇོག་པོ་ཉིད། །པད་ཆེན་ཧུ་ལུ་ཧུ་ལུ་དང་། །དབང་ལྡན་དང་ནི་དུང་སྐྱོང་ངོ་། །སྒྲོགས་པ་དང་ནི་ཆེར་སྒྲོགས་དང་། །དྲག་དང་ཡོན་ཏན་བསྟན་དེ་བཞིན། །གང་བ་དང་ནི་དེ་བཞིན་འབེབས། ། གཏུམ་པོ་འདི་དག་སྤྲིན་དབང་ཕྱུག་།རྣལ་འབྱོར་མ་ཡི་ཚོགས་རྣམས་དང་། །དངོས་གྲུབ་རྫུ་འཕྲུལ་ཡང་དག་པར། །ཐོབ་པ་སློབ་དཔོན་གྱི་ནི་ཚོགས། །དུར་ཁྲོད་དབུས་སུ་བལྟ་བར་བྱ། །དེ་ཉིད་བསྡུས་དང་བདེ་མཆོག་དང་། །གསང་བ་རྡོ རྗེ་འཇིགས་བྱེད་ལས།།དཀྱིལ་འཁོར་རྣམས་ཀྱི་རྒྱལ་པོ་འདི། །མ་བྱུང་འབྱུང་བར་མི་འགྱུར་རོ། །ཚོན་དགྱེ་བའོ།། །།དེ་ནས་སློབ་དཔོན་མཉམ་གཞག་པས། །དཀྱིལ་འཁོར་དབུས་ནས་དུར་ཁྲོད་སར། །ལྷག་ཆང་ཉེས་པའི་སྐྱོན་བསལ་ལ། །བསྐོར་བ་ལན་གསུམ་བརྩམ་པར་ བྱ།།བུམ་པ་མཆོད་རྫས་ལ་སོགས་པ། །གདུགས་དང་རྒྱལ་མཚན་རོལ་མོ་དང་། །སིལ་སྙན་གླུ་ཡིས་སྤྱན་དྲངས་ལ། །དཀྱིལ་འཁོར་གནས་སུ་དགོད་པར་བྱ། །དཀྱིལ་འཁོར་ཀུན་དུ་རིན་ཆེན་ནམ། །གསེར་རྣམས་ཀྱིས་ནི་མཛེས་པར་བྱ། །དེ་ནས་སློབ་དཔོན་ཁྲུས་བྱས་ ཏེ།།དྲི་ཞིམ་རུས་པའི་རྒྱན་གྱིས་སྤྲས། །རྩེ་བྲན་རྡོ་རྗེ་དྲིལ་འཛིན་པ། །དཀྱིལ་འཁོར་གྱི་ནི་ལྷོ་ཕྱོགས་སུ། །བདེ་བའི་གདན་ལ་འདུག་ནས་ནི། །བླ་མ་དམ་པ་ལཱུ་ཡི་པས། །མངོན་པར་རྟོགས་པའི་རིམ་པ་རྣམས། །བསྒོམས་ཏེ་བཟླས་པ་བྱས་པའི་མཐར། །བཅུ་ དྲུག་ལྷ་མོ་རྣམས་ཀྱིས་མཆོད།།མེ་ཏོག་བདུག་པ་མར་མེ་དྲི། །དཀར་པོ་དུང་མདོག་དམར་བ་ལྗང་། །ཞལ་གཅིག་ཕྱག་གཉིས་རྩ་བར་རྟགས། །ཌ་རུ་ཐོད་པ་ཁ་ཊཱཾ་ག་།གཞན་གྱི་ཕྱག་གསུམ་དག་ན་འཛིན། །པི་ཝང་གླིང་བུ་རྔ་ཟླུམ་མ། །རྫ་རྔ་ཞལ་གཅིག་ཕྱག་བཞི་ མ།།གཉིས་ཀྱིས་རང་རང་བརྡུང་བར་བརྩོན། །ཐ་མ་རྡོ་རྗེ་དྲིལ་བུ་འཛིན། །སྔོ་སེར་དམར་པོ་ལྗང་གུའོ། །ཕྲེང་བ་སྒེག་མོ་གླུ་གར་མ། །དམར་དཀར་སེར་མོ་ལྗང་གུ་སྟེ། །ཕྲེང་མ་ཕྱག་གཉིས་ཕྲེང་བ་འདྲེན། །རྡོ་རྗེ་དྲིལ་འཛིན་སྒེག་པ་མོ། །གླུ་མ་འཁར་བའི་སིལ་ཁྲོལ་ ཏེ།།གར་མ་པདྨའི་གར་སྐྱོད་བྱེད། །གཞན་གཉིས་ཐོད་པ་ཁ་ཊྭཱཾ་ག་།གཟུགས་དང་རོ་དུད་རེག་དང་ཆོས། །དཀར་དམར་ལྗང་གུ་དཀར་མོ་སྟེ། །ཞལ་གཅིག་ཕྱག་བཞི་དང་པོ་ན། །མེ་ལོང་དང་དྲི་གོས་ཆོས་འབྱུང་། །ཌ་རུ་ཐོད་པ་ཁ་ཊྭཱཾ་ག་།ལྷག་མའི་ཕྱག་ན་ གནས་པས་མཆོད།།རྐང་པ་བརྒྱད་ཀྱིས་བསྟོད་བྱས་ལ། །བཤགས་དང་གསོལ་བ་ལ་སོགས་བྱ། །ག་ཎ་ཚོགས་ཀྱི་མཆོད་པ་ཡིས། །དཀྱིལ་འཁོར་ལྷ་ཀུན་མཉེས་བྱས་ལ། །དཔལ་ལྡན་མཁའ་འགྲོ་མ་རྣམས་ལ། །བ་ལིཾ་ཆེན་པོའི་གཏོར་མ་སྦྱིན། །དཀྱིལ་ འཁོར་སྒྲུབ་པའི་དོན་དུ་ནི།།སློབ་དཔོན་རྣལ་འབྱོར་ལྡན་པ་ཡིས། །ཞི་དང་རྒྱས་པའི་སྦྱིན་སྲེག་ནི། །སློབ་མ་སྡིག་སོགས་སྦྱོང་བའི་ཕྱིར། །ཇི་ལྟར་འགྲུབ་པའི་གྲངས་རྣམས་བྱས། །མེ་ཏོག་ཕྲེང་འཛིན་སློབ་དཔོན་གྱིས། །ལྷ་ཡི་སྒོ་ནས་ཞུགས་ནས་ཀྱང་། །ཧེ་རུ་ ཀ་དཔལ་རྒྱལ་པོ་ལ།།ཆུ་དང་དབུ་རྒྱན་ལ་སོགས་པ། །རྗེས་གནང་མཐའ་རུ་རིམ་བཞིན་ནོ། །རིགས་ལ་རྗེས་གནང་ཐོབ་པ་དང་། །སློབ་མ་ཤིས་པར་བྱ་བའི་ཕྱིར། །བདེན་པ་འདི་ནི་བསྒྲག་པར་བྱ། །དོན་དམ་སྨྲ་བའི་སེང་གེ་རྣལ་འབྱོར་ཞེས་བྱ་བ། །ཉོན་ མོངས་གཅོད་པའི་དོན་ལ་ཤིན་ཏུ་མཁས་གྱུར་པ།།སྲིད་པའི་ཉེས་པ་བསྐྱེད་པ་ཉོན་མོངས་བཅོམ་མཛད་པ། །རྣལ་འབྱོར་དོན་དམ་དེ་ཉིད་རྒྱལ་པོ་གྲུབ་པར་མཛོད། །དཀྱིལ་འཁོར་སྒྲུབ་པའོ།། །།ཀུན་བྱེད་ཆུ་ཡིས་ཁྲུས་བྱས་ལ། །དེ་ཡི་བུ་སྡུག་གདོང་ལ་ནི། །དར་ གྱིས་ལེགས་པར་དཀྲིས་ནས་ནི།།ཡོལ་བའི་མཐར་ནི་དྲངས་པ་ལ། །བླ་མས་འདི་སྐད་དྲི་བར་བྱ། །སྡུག་པ་ཁྱོད་སུ་ཅི་ལ་དགའ། །དེས་ཀྱང་བདག་ནི་སྐལ་བ་བཟང་། །བདེ་བ་ཆེ་ལ་རྟག་ཏུ་དགའ། །དེ་ནས་ལས་ཀུན་བྱེད་པའི་ཆུས། །ཡོལ་བའི་ཕྱི་རུ་བསང་གཏོར་བྱ། །དེ་ ནས་སློབ་མས་འདི་སྐད་དུ།།སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་སྐྱབས་སུ་མཆི། །དཔའ་བོ་རྣལ་འབྱོར་མ་འཁོར་ལོ། །རྣལ་འབྱོར་གནས་ལ་བདག་ཕྱག་འཚལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་འཇུག་པར་མཛོད། །བླ་མས་ ཀྱང་ནི་འདི་སྐད་དུ།།དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག་།སྙིང་པོ་བསྡུས་པའི་དཀྱིལ་འཁོར་དུ། །བདག་གིས་སློབ་མ་གཞུག་པར་བགྱི། །དེ་ནས་ལྷོ་སྐོར་མངོན་ཕྱོགས་ལ། །ོཾ་ན་མ་སྟེ་ཧཱུཾ། ན་མ་མི་ཧཱུཾ། ན་མོ་ན་མ་ཧཱུཾ། ལུས་ ངག་ཡིད་ཀྱིས་ཕྱག་གསུམ་བྱ།།སྙིང་གར་རྡོ་རྗེ་རབ་བཞག་ལ། །རྣལ་འབྱོར་སེམས་ནི་བསྐྱེད་པར་བགྱི། །ོཾ་ཡོ་ག་ཙིཏྟ་ཨུཏ་པཱ་དཱ་ཡཱ་མི། སུ་ར་ཏ་ས་མ་ཡ་སྟྭཾ་ཧོཿ་སིདྡྷ་བཛྲ་ཡ་ཐཱ་སུ་ཁཾ། དེ་ཡི་སྤྲོ་བ་བསྐྱེད་པ་ནི། །དེང་ཁྱོད་དེ་བཞིན་གཤེགས་པ་ ཐམས་ཅད་ཀྱི་རིགས་སུ་ཞུགས་ཀྱིས།།ངས་ཁྱོད་ལ་ཧེ་རུ་ཀའི་ཡེ་ཤེས་བསྐྱེད་པར་བྱ། །ཡེ་ཤེས་གང་གིས་དེ་བཞིན་གཤེགས་པ་ཐམས་ཅད་དང་། །དཔའ་བོ་དང་རྣལ་འབྱོར་མ་རྣམས་ཀྱི་དངོས་གྲུབ་ཀྱང་ཐོབ་པར་འགྱུར་ན། དངོས་གྲུབ་གཞན་ལྟ་ཅི་ཞིག་སྨོས་ཀྱི་ཁྱོད་ ཀྱིས་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་བརྗོད་པར་མི་བྱ་སྟེ།།དམ་ཚིག་ཉམས་པར་གྱུར་ཏ་རེ། །ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་མཛད། །གལ་ཏེ་ཚུལ་འདི་སྨྲས་ན་ནི། དེ་མ་ཐག་ཏུ་དྲལ་ཏེ་གཤེགས། །བདུད་རྩི་ལྔ་ཡི་ ཆུ་དག་ནི།།ཐོད་པར་ལེགས་པར་བླུགས་ནས་ནི། །མནའ་ཆུ་བླུད་ཕྱིར་འདི་སྐད་བརྗོད། །འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་ཉམས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་ཐོབ། །ོཾ་པཉྩ་ཨ་མྲྀ་ཏོད་ ཀ་ཋཿཋཿཋཿཧཱུཾ།དེང་ནས་བརྩམས་ཏེ་ཁྱོད་ཀྱི་དཔལ་ཧེ་རུ་ཀ་ང་ཡིན་གྱིས། ངས་གྱིས་ཤིག་ཅེས་བསྒོ་བ་དེ་ཁྱོད་ཀྱིས་བྱ་དགོས་སོ། །ཁྱོད་ང་ལ་བརྙས་པར་མ་བྱེད་ཅིག་།ཁྱོད་མི་བདེ་བ་མ་སྤངས་པར་ཆེའི་དུས་བྱས་ནས་དམྱལ་བར་ལྟུང་བར་གྱུར་ཏ་རེ། དེ་ནས་ དཔའ་བོ་དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་ལ།དཔལ་ཧེ་རུ་ཀ་བདག་ལ་དབབ་པར་མཛོད་ཅིག་ཅེས་སྨྲར་གཞུག་གོ། །བདུད་རྩི་ལྔ་དང་བྱི་ལའི་བྲུན། །གུ་གུལ་བུད་མེད་གོས་ཀྱི་མཐའ། །པདྨའི་སྣོད་དུ་བཞག་ནས་སུ། །དུར་ཁྲོད་མེ་ལ་བདུག་ པར་བྱ།།གཡས་བརྐྱང་བ་ལ་ལེགས་བསྡམས་ཏེ། །གཉིས་མེད་གསང་སྔགས་བཟླས་བྱས་ནས། །སྐད་ཅིག་ཉིད་ལ་ཡང་དག་འཇུག་།ོཾ་ཏིཥྛ་མ་ཧཱ་ཀྲོ་དྷ་ཨཱ་བེ་ཤ་ཡ་ཧཱུཾ། ཨོཾ་ཤྲཱི་ཧེ་རུ་ཀ་ཨ་བིད་མ་ཧེ་བིདྱཱ་རཱ་ཛཱ་ཡ་དྷིབུཡ་བྱེ་མ་ཧེ་སྭཱ་ཧཱ། ཞེས་ནི་དཔའ་བོ་བསྐུལ་བར་བྱ། །དེ་ ནས་གཡོན་ཐོགས་གྲོང་ཁྱེར་དུ།།བསྐོར་བ་ལན་གསུམ་བྱས་ནས་ནི། །བསྙེན་ནས་སྙིམ་པའི་མེ་ཏོག་དོར། །པྲ་ཏཱིཙྪ་བཛྲ་ཧོ། །དཀྱིལ་འཁོར་གང་དུ་མེ་ཏོག་བབས། །དེ་ཡི་རིགས་ནི་བསྟན་པར་བྱ། །སླར་ཡང་དེ་ཉིད་བླངས་ནས་སུ། །སློབ་མའི་མགོ་ལ་བཅིང་བར་བྱ། ། ཧེ་རུ་ཀ་དཔལ་དེང་ཁྱོད་ཀྱི། །མིག་ནི་འབྱེད་པར་བརྩོན་པར་མཛད། །རྡོ་རྗེའི་མིག་ནི་བླ་ན་མེད། །ཐམས་ཅད་མིག་ནི་ཕྱེ་བར་འགྱུར། །ོཾ་བཛྲ་ནེ་ཏྲ་ཨ་པ་ཧ་ར་པཊ་ལཾ་ཧྲི། །བརྗོད་ནས་གདོང་གཡོགས་ཕུད་ནས་ནི། །དཀྱིལ་འཁོར་བཟང་པོ་འདི་ལ་ལྟོས། །ད་ནི་དད་པ་རབ ཏུ་བསྐྱེད།།ཁྱོད་ནི་རྣལ་འབྱོར་མ་རིག་སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །འགྲོ་བ་ཕུན་སུམ་ཚོགས་ཀུན་དང་། །དངོས་གྲུབ་བུ་ཁྱོད་སྐལ་ལྡན་འགྱུར། །དམ་ཚིག་ཐམས་ཅད་བསྐྱང་བ་དང་། །གསང་སྔགས་ལ་ཡང་བརྩོན་པར་གྱིས། །དེ་ནས་ དཀྱིལ་འཁོར་གྱི་དེ་ཉིད་ནི།།དབུས་ཀྱི་པདྨ་རིན་ཆེན་འཛིན། །ཐུགས་ཀྱི་འཁོར་ལོ་མི་བསྐྱོད་པ། །གསུང་གི་འཁོར་ལོ་སྣང་མཐའ་ཡས། །སྐུ་ཡི་འཁོར་ལོ་རྣམ་སྣང་མཛད། །སྦུབས་རྣམས་ཀུན་ནི་དོན་ཡོད་ལ། །སྒོ་བཞི་དྲན་པ་ཉེར་གཞག་བཞི། །ཁ་དོག་ལྔ་ནི་ རིགས་ལྔ་ལ།།གྲུ་བཞི་ཚངས་པའི་སྒོ་བཞི་གསུངས། །ལོགས་བཞི་བསྡུ་བའི་དངོས་པོ་སྟེ། །ཀ་བ་བརྒྱད་ནི་རྣམ་ཐར་བརྒྱད། །གདོང་བཞི་ཡེ་ཤེས་བཞི་ཡི་དོན། །ཏྭ་ར་ཎ་ལ་སོགས་པ་ཀུན། །སྟོབས་ལ་སོགས་པ་ཡིན་པར་གསུངས། །རྣམ་ཤེས་དག་པ་ དུར་ཁྲོད་ལ།།ཕྱོགས་སྐྱོང་མི་དགེ་བཅུ་པོ་སྤོང་། །སངས་རྒྱས་བརྒྱད་ཀྱི་མཚན་མ་ཤིང་། །གདུག་པ་འཇོམས་ཕྱིར་ཤིང་བརྒྱད་དོ། །ཐུགས་རྗེའི་རྟགས་སུ་སྤྲིན་བརྒྱད་དོ། །དེ་ནས་ལྷ་ཡི་རྣམ་དག་ནི། །དཔའ་བོ་ཆེ་ལ་བུ་ཁྱོད་ལྟོས། །དབྱིངས་དང་ཡེ་ཤེས་ གཉིས་མེད་པས།།ཡུམ་དང་གཉིས་སུ་མེད་པ་ཡིན། །མཐིང་ག་སྐྱོན་གྱིས་མ་གོས་པ། །ཞལ་བཞི་རྣམ་པར་ཐར་པ་བཞི། །སྤྱན་ནི་དུས་གསུམ་མཁྱེན་པ་སྟེ། །རྟེན་འབྲེལ་དག་པས་ཕྱག་བཅུ་གཉིས། །ཕ་རོལ་ཕྱིན་པས་རྒྱན་དྲུག་ལ། །འཁོར་ལོ་ལྔ་ཡི་ ལྷ་རྣམས་ནི།།སུམ་ཅུ་རྩ་བདུན་བྱང་ཆུབ་ཕྱོགས། །ཡིན་པར་མངོན་རྟོགས་གཞུང་ལྟར་སྦྱར། །སློབ་མ་གཞུག་པའོ།། །།དེ་ནས་སློབ་མས་བླ་མ་ཡི། །ཞབས་ལ་དད་པས་ཕྱག་བྱ་སྟེ། །ཐལ་སྦྱར་ཡོན་ནི་ཕལ་བ་ཡིས། །དབང་བསྐུར་ དོན་དུ་གསོལ་བ་གདབ།།བྱང་ཆུབ་རྡོ་རྗེས་སངས་རྒྱས་ལ། །ཇི་ལྟར་མཆོད་ཆེན་གསོལ་བ་ལྟར། །བདག་ཀྱང་དྲང་བའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་གསོལ། །དེ་ནས་ལྷོ་སྒོར་པདྨ་ནི། །འདབ་བརྒྱད་དབུས་སུ་ཁྲི་བཤམས་ཏེ། །སློབ་མ་བརྟག་ པའི་རྣལ་འབྱོར་པ།།རྒྱན་གྱིས་བཀླུབས་ཏེ་གཞག་པར་བྱ། །ཆུ་རྣམས་རྣམ་རྒྱལ་བུམ་པར་བསྡུ། །མི་བསྐྱོད་པ་རུ་བསྐྱེད་ནས་ནི། །