Tibetan
།དམ་པར་དགའ་བ་རྣལ་འབྱོར་མ། །མཆོག་ཏུ་དགའ་བ་ཐམས་ཅད་ རིག་།ཐབས་དེའི་བདེ་བས་ཐམས་ཅད་ཉིད། །དྲུག་པ་ཐུགས་ཀྱི་སྤྲུལ་པ་ནི། །དཔལ་ལྡན་ཧེ་རུ་ཀ་རུ་སྤྲུལ། །དག་པ་ཆོས་ཀྱི་སྤྲུལ་པ་ནི། །ཕག་མོའི་གཟུགས་སུ་བསྟན་པ་ཡིན། །རྟག་ཏུ་གདུངས་ཤིང་རབ་གདུངས་པས། །གདུངས་ལས་སྐྱེ་བོ་ཀུན་གྲོལ་ཕྱིར། །དུས་འདིར་མི་ཐུབ་ཟླ་བ ཡི།།སྡོམ་པའི་སྒྲུབ་ཐབས་བདུད་རྩི་འཛག་།འཁོར་ལོ་གཅིག་པའི་གྲོང་ཁྱེར་ན། །ཚོང་དཔོན་བུ་མོ་རྣལ་འབྱོར་མ། །གནས་པ་རྡོ་རྗེ་ཕག་མོའི་སྤྲུལ། །དེ་བཀས་སྡོམ་པའི་སྒྲུབ་ཐབས་བྲིས། །དཔལ་འཁོར་ལོ་སྡོམ་པའི་སྒྲུབ་ཐབས་བདུད་རྩི་འཛག་པ་ཞེས་བྱ་བ་སློབ་ ་དཔོན་མི་ཐུབ་ཟླ་བས་མཛད་པ་རྫོགས་སོ།་