Tibetan
དགྲ་ཆོས་བསྡུས་པ་དགྲ་བགེགས་ཚར་གཅོད་ཀྱི་ལས་འགྲིགས་མཐོང་བ་བརྒྱུད་པ། དགྲ་ཆོས་བསྡུས་པ་དགྲ་བགེགས་ཚར་གཅོད་ཀྱི་ལས་འགྲིགས་མཐོང་བ་བརྒྱུད་པ། དགྲ་ཆོས་བསྡུས་པ་དགྲ་བགེགས་ཚར་གཅོད་ཀྱི་ལས་འགྲིགས་མཐོང་བ་བརྒྱུད་པ་བཞུགས་སོ།། ཨོཾ་ཤྲཱི་མ་ཧཱ་ཀཱ་ལ་ན་མོ། དགྲ་ཆོས་བསྡུས་པ་དགྲ་བགེགས་ཚར་གཅོད་ཀྱི་བཅའ་ཀ་དང་འདོན་འགྲིགས་གཉིས་ལས། དང་པོ་བཅའ་གཞིའི་ཚོམ་བུ་ལྷ་གྲངས་བཀོད་པའི་སྟེང་དུ་དམར་གཏོར་ཆེ་བ་གཅིག་ལ་གཏོར་ཆུང་བཅུས་བསྐོར། དཀར་གཏོར་པད་འདབ་ཅན་གཅིག་ལ་བྱ་རིགས་གཡག་ལུག་གཟུགས་ཀྱིས་བསྐོར། རྒྱས་པར་སྤྲོ་ན་ཁྱུང་འབྲུག་སེང་གེ་གཡག་ལུག་གྱི་ལིང་རྨ་བྱ་ཤང་ཤང་སྟག་གཟིག་གུང་གཡི་དཀར་པོ་སོགས་གཟུགས་འགྲོས་སྣ་ཚོགས་ཀྱིས་བསྐོར་བར་བྱ། ཤིང་ནག་གི་རྔ་མོང་གཅིག་དང་དྲེལ་ཕག་གསུམ་དུ་བཅས་ལ་ཁལ་འགེལ་སོགས་བཀལ་བར་བྱ། འདིའི་སྐབས་དུས་དགྲ་བླ་བཅུ་གསུམ་བཅའ་ཚོགས་ལྟར་བཅའ། གཞན་རྩ་གསུམ་གཏོར་མ་དང་ཆོས་སྐྱོང་སྐོར་གང་སྐབས་བཅའ་བར་བྱའོ། །སྔོན་འགྲོའི་སྐོར་ཐམས་ཅད་ཚང་བར་བྱའོ། ༈ །གཉིས་པ་འདོན་འགྲིགས་ནི། ཡི་དམ་གང་རུང་གི་གཞུང་བསྲང་བ་དང་ཆོས་སྐྱོང་སྐོར་གང་སྐབས་འདོན་པར་བྱའོ། །ཚོགས་མཆོད་བསྐང་བ་དང་བཅས་པ་ཚར་བའི་རྗེས་ལ། བསང་ཡིག་གང་སྐབས་འདོན་པ་དང་། དགྲ་ བླ་བཅུ་གསུམ་ཚར་གྲངས་བསོགས་པར་བྱའོ། ༈ །དེ་ནས་སྨད་ལས་ནི། གྲུ་གསུམ་ནང་དུ་ལིངྒ་མང་ཉུང་སྐབས་དང་བསྟུན། བཅུག་ཐོན་པའི་རྗེས་སུ། མགོན་པོའི་གྲུ་གསུམ་བསྐྱེད་ཆོག་གམ་གཞན་གྲུ་གསུམ་བསྐྱེད་ཆོག་གང་རུང་བྱའོ། །དེ་རྗེས་འགུགས་གཞུག་བརྒྱའམ་ཉེར་གཅིག་གམ་བདུན་ནམ་གལ་ཆེ་ཆུང་དང་བསྟུན། ༈ ཀིང་ཀང་ལས་བྱང་ནི། །རང་ཉིད་ཀིང་ཀང་ཧ་རི་དམར༔ ཅེས་པ་ནས། མཱ་ར་ཡ་ནན༔ བསྙེན་པ་ཅི་ནུས་བཟླའོ། ༈ །དེ་བཞིན་དུ། ཨེ་བདག་མདུན་བཅོམ་ལྡན་འཇམ་དཔལ་གཤིན་རྗེའི་གཤེད༔ ཅེས་པ་ནས། དམ་ཡེ་དབྱེར་མེད་དྲན་རྫོགས་གསལ༔ ཨོཾ་མཉྫཤྲཱི་སོགས། བསྙེན་པ་ཅི་མང་བྱའོ། །དེ་རྗེས་དཔལ་ལྡན་དུར་ཁྲོད་བསྟོད་བསྐུལ་རྒྱུན་ཁྱེར་འདོན། ཧཱུྃ་བདེ་མཆོག་སོགས། བསྙེན་པ་གང་སྐབས་བཟླའོ། ༈ །དེ་ནས་བསྐུལ་པ་ནི། ཡི་དམ་གང་རུང་གི་བསྐུལ་པ་འདོན། དེ་ནས་དགྲ་ཆོས་ནི། ཧཱུྃ་མ་གཡེལ་མ་གཡེལ་སྲུང་མའི་ཚོགས༔ ཞེས་སོགས་ནས། བཅོལ་བའི་ཕྲིན་ལས་འགྲུབ་པར་མཛོད། བར་ཚར་བརྒྱའམ་དགུ་སོགས་ཚར་གྲངས་བསོགས་པར་བྱའོ། །གཞན་ཡང་མགོན་པོའི་དགྲ་ཆོས་ དང་དགྲ་བྲུབ་འདོན་པར་བྱའོ། །དེ་ནས་ཆོས་སྐྱོང་གང་རུང་གི་བསྐུལ་པ་འདོན་པར་བྱའོ། །དེ་ནས་ཚར་ཀ་དཀར་གཏོར་གཅིག་བསྔོས་ལ་ཡས་ལམ་མམ་དགྲ་ཕྱོགས་སུ་ཕུལ། ཡུལ་གྱི་གཞི་བདག་དེ་ལ་སྡོང་གྲོགས་བྱེད་པའི་བཀའ་བསྒོ། དེ་ནས་འགུགས་གཞུག་དང་བསྐུལ་པ་ཐམས་ཅད་འདོན་པར་བྱའོ། །དེ་ནས་དགྲ་བླ་བཅུ་གསུམ་ནི་ཁང་ཐོག་གམ་བསང་ནང་དུ་ཕུལ་ལ་ཆོས་སྐྱོང་གང་རུང་གི་གསོལ་ཀ་འདོན་པར་བྱའོ། ༈ །དེ་ནས་ཆད་མདོ་བརྟན་སྐྱོང་བཀྲ་ཤིས་བསྔོ་བ་སྨོན་ལམ་ཡི་དམ་གཞུང་ལྟར་རོ། །དེ་ནས་གཏོར་མ་རྔ་མོང་སོགས་བདེ་རིམ་ཡིན་ན་ཡས་ལམ་སོགས། དགྲ་མནན་ཡིན་ན་དགྲ་ཕྱོགས་སུ་བོར་ལ་ཐལ་མོ་བརྡབ་བོ། །དམོད་བཅོལ་བྱའོ། །ལིངྒ་དགྲ་ཕྱོགས་སུ་ལམ་རྒྱ་གྲམ་ཞབས་སུ་མནན་ནོ། །དགྲ་ཆོས་ཞལ་ཤེས་ཉེར་མཁོ་དགུ་གཏོར་སོགས་ལ་མཁོ་བ་རྫོགས་སོ། །རཱ་ག་ཨ་སྱས་གསུངས་སོ། །སརྦ་མངྒ་ལཾ། དགེའོ།། །། དགྲ་ཆོས་བསྡུས་པ་དགྲ་བགེགས་ཚར་གཅོད་ཀྱི་ལས་འགྲིགས་མཐོང་བ་བརྒྱུད་པ།
Chinese
降伏敌法的汇集，断除敌障的事业仪轨，见传承。
English
A Collection of Enemy Dharma: The Operational Manual for Cutting Off Enemies and Obstacles, a Visionary Lineage.
Chinese
应当念诵任何护法的祈请文。然后供养一个白色的“擦嘎”食子，献给“亚拉姆”或敌方。命令该地的地主神作为助手。然后念诵所有的勾招、遣送和祈请文。然后将十三位战神供奉在屋顶或焚香处，并念诵任何护法的祈请文。之后，按照仪轨念诵“恰多”、“丹炯”、“扎西”回向文和祈愿文，以及本尊仪轨。然后，如果是息灾仪轨，则将“托玛”、“昂蒙”等供品献给“亚拉姆”等处；如果是镇压敌人，则将其扔向敌方，并拍手。进行诅咒和委托。将林伽（象征物）压在敌方的十字路口下。敌法的口诀、所需品、九种食子等所需之物已完备。这是Ra Ga A Syas所说。萨尔瓦芒嘎朗（藏文，梵文天城体：सर्व मङ्गलम्，梵文罗马拟音：Sarva Mangalam，汉语字面意思：一切吉祥）。善哉！
English
One should recite the invocation of any Dharma protector. Then, offer a white 'Tsar Ka' Torma, offering it to 'Yalam' or the enemy's side. Command the local earth deity to act as a helper. Then, recite all the summoning, sending back, and invocation prayers. Then, offer the thirteen war gods on the rooftop or in the incense place, and recite the invocation of any Dharma protector. After that, recite the 'Chad Do,' 'Tenkyong,' 'Tashi' dedication and aspiration prayers, and the Yidam ritual according to the text. Then, if it is a pacifying ritual, offer the 'Torma,' 'Ngamong,' etc., to 'Yalam,' etc.; if it is suppressing the enemy, throw it towards the enemy's side and clap your hands. Perform the curse and entrustment. Press the Linga (symbolic representation) under the crossroads on the enemy's side. The enemy Dharma's oral instructions, necessary items, nine Tormas, etc., are complete as needed. This was spoken by Ra Ga A Syas. Sarva Mangalam (Tibetan, Devanagari: सर्व मङ्गलम्, Romanized Sanskrit: Sarva Mangalam, Literal Chinese meaning: All auspiciousness). Good!