Tibetan
ཤིན་ཏུ་དབེན་པའི་གནས་དག་ཏུ།། དཀྱིལ་འཁོར་འདོམ་གང་གྲུ་བཞི་ལ།། དྲི་སྣ་ལྔ་ཡི་ཆག་ཆག་གདབ།། ཐིག་གདབ་ཚོན་ཡང་དགྱེ་བར་བྱ།། དེ་ལྟར་བྱས་པའི་སྟོང་ཉིད་དུ།། དབུས་སུ་རིན་ཆེན བུམ་པ་ཟླུམ།། ཁ་རྒྱན་མགུལ་ཆིངས་བཅིངས་པ་བཞག། ནས་ཀྱི་སྟེང་དུ་དེ་བཞག་སྟེ།། རིགས་ལྔའི་སྐུ་ཡང་དེ་བཞིན་བལྟས།། ཤར་ཉིད་དུ་ཡང་བུམ་པ་སྟེ།། རིགས་གསུམ་སྐུ་དང་གོས་དཀར་ཅན།། ལེགས་པར ཕྱོགས་སུ་དགྲམ་པར་བྱ།། ལྷོ་ཉིད་དུ་ཡང་བུམ་པ་སྟེ།། རིག་གསེར་ཕྲེང་དང་ཚེ་དཔག་མེད།། ཕ་རོལ་ཕྱིན་དང་སྨན་གྱི་བླ།། ལྷོ་ཡི་ཕྱོགས་སུ་དེ་བཞིན་གཞག་པར་བྱ།། ནུབ་ཏུ་ཡང་ནི་བུམ་པ་སྟེ།། རིགས་ལྔ་ཁྲོ་སྐུ རྣམ་པར་བཞག།བྱང་གི་ཕྱོགས་སུ་བུམ་པ་སྟེ།། སྒོ་བ་བཞི་ནི་ཕྱོགས་ཕྱོགས་བཞག། བྱང་ཤར་མཚམས་སུ་བུམ་པ་སྟེ།། རིགས་གསུམ་ཁྲོ་དང་རྣམ་འཇོམས་སོ།། ཤར་ལྷོ་མཚམས་སུ་བུམ་པ་སྟེ།། རྣམ་འཛིན་ཞལ་ དང་སྟོབས་དྲུག་དང།། གཤིན་རྗེ་ཞགས་པ་སྟོང་ཐོགས་ཀུན་བཟང་ངོ།། ལྷོ་ནུབ་མཚམས་སུ་བུམ་པ་སྟེ།། རིགས་ལྔའི་ཡུམ་ནི་དེ་བཞིན་བཞག། ནུབ་བྱང་མཚམས་སུ་བུམ་པ་སྟེ།། ཀྲོ་ཏི་ཤཝ་རི་ལྔ་ཉིད་དོ།། ཕྱོགས བཞི་མཚམས་དང་བརྒྱད་དུའོ།། དེ་ཡང་བཀྲ་ཤིས་ནས་ནི་རེ་རེའོ།། བུམ་པ་དེ་དག་རེ་རེའི་རྩར།། ཕུད་དང་བཅས་པའི་གཏོར་མ་རེ།། མཁས་པས་རབ་ཏུ་གཞག་པར་བྱ།། བྷནྡ་མཚན་ལྡན་དེ་བཞིན་ནོ།། དེ་ལྟར རྫས་རྣམས་བཤམས་ནས་ནི།། དབང་བསྐུར་ཆོ་ག་རྫོགས་པར་བྱ།། དེ་ནས་འདི་སྐད་བརྗོད་བྱ་ཞིང།། གསལ་བ་གསུམ་དང་ལྡན་པའོ།། ཏིང་འཛིན་རྒྱལ་པོ་བསྒོམ་བྱ་ཞིང།། ཚིག་དང་བཅས་པས་སྐུ་དེ་དག། རང རང་གནས་སུ་བསྐུར་བར་བྱ།། ཧཱུ~ྂ་ལྔ་ལྡན་རྡོ་རྗེ་འབར་བའི་དཀྱིལ་འཁོར་དུ།། རྡོ་རྗེ་འདུ་འབྲལ་མེད་པའི་སྐུར་གསལ་ལས།། གསང་བདག་རྡོ་རྗེ་རིགས་ཀྱི་དབང་བསྐུར་ཞིང།། རྡོ་རྗེ་འདུས་པའི་སྲས་སུ་དབང བསྐུར་རོ།། དཀྱིལ་འཁོར་ལྔ་དང་སྐུ་དང་ཡེ་ཤེས་དང།། དུས་དང་གནས་དང་ཚིག་དང་རྡོ་རྗེ་ཡི།། གསང་བ་བདེ་ལྡན་རྡོ་རྗེ་གར་གྱི་བདག། བདག་དང་གཞན་དང་སྐུ་ལྔ་མཐར་ཕྱིན་ནས།། མི་འགྱུར་གསང་མཆོག དགྱེས་པའི་གད་མོ་ཆེ།། རིག་དང་སྟོང་དང་བྱ་དང་བྱེད་པའི་སྟོབས།། ཆོས་དང་གནས་དང་སེམས་དང་ཡིད་ལ་བསྐུལ།། ཨ་ལ་ལ་ཧོ་རྡོ་རྗེ་མོས་པ་རྩལ།། རིགས་དང་ས་དང་རྡོ་རྗེ་དྲག་པོ་རྩལ།། དཀྱིལ་འཁོར མཆོག་སྟོན་རྡོ་རྗེ་བཞད་པ་རྩལ།། སྟོང་དང་དགྱེས་མཆོག་རྡོ་རྗེ་འོད་འབར་རྩལ།། ཆོས་ཉིད་རང་སྣང་རྡོ་རྗེ་གཏེར་དབང་རྩལ།། དཀྱིལ་འཁོར་ཡང་གསང་རྡོ་རྗེ་རབ་བསྔགས་རྩལ།། དམར་ལྡན་ཡིད་འཕྲོག་རྡོ་རྗེ གསུང་ཐོབ་རྩལ།། དཀྱིལ་འཁོར་རྒྱས་མཛད་དཀྱིལ་འཁོར་རིག་འཛིན་རྩལ།། ཨེ་མ་ཧོ།། ཧེ་ཧེ་ཏི་སྟ་རྡོ་རྗེ་གསང་མཆོག་ཁྱོད།། དབང་ལྡན་དབང་གི་རིགས་ལྡན་རིགས་མཆོག་སྟེ།། འབར་བ་འོད་འཕྲོ འཁོར་ལོའི་གཞལ་ཡས་སུ།། བདེ་ལྡན་དབྱིངས་མཆོག་སྐུ་ལྔས་དབང་བསྐུར་རོ།། ཆོས་ཉིད་དབྱིངས་ལ་རིག་པའི་དབྱིངས་ཤར་བས།། མཐོང་བ་ཉིད་དང་ཡེ་ཤེས་ཐབས་ཀྱི་སྐུ།། ཙིཏྟ་རིན་ཆེན་འཁོར་ལོའི གཞལ་ཡས་སུ།། བདེ་མཆོག་ཐུགས་ཀྱི་འཁོར་ལོའི་དབང་བསྐུར་རོ།། བདེ་ལྡན་དབྱིངས་ཤར་ཤེས་རབ་དབྱིངས་ཀྱི་ངང།། གསལ་འཚེར་ལྷུན་སྡུག་རྡོ་རྗེ་རབ་གསང་འབར།། གསང་བའི་མཁའ་དབྱིངས་བྷ་གའི གཞལ་ཡས་སུ།། ཆོས་ཉིད་སྤྲོས་བྲལ་བདེ་ཆེན་དབང་བསྐུར་རོ།། རྡོ་རྗེ་གསང་བ་བདེ་མཆོག་དབྱིངས་སུ་སྒྲོལ།། ཤེས་རབ་ཐབས་ལྡན་ཀ་དག་ཡངས་པའི་ངང།། སེམས་དཔའི་དཀྱིལ་འཁོར་སེམས་མའི་རང བཞིན་མཆོག།ཆོས་རྣམས་དམིགས་མེད་རྡོ་རྗེ་སེམས་དཔའི་སྐུ།། ནམ་མཁའི་མཐའ་ལས་ཆོས་དབྱིངས་རོ་གཅིག་ཏུ།། ལས་རྣམས་མཐར་ཕྱིན་སྟོང་ཉིད་གདལ་བའི་སྐུ།། སེམས་དང་སྟོང་ཉིད་ཆོས་ཀྱི་སྐུ་ལ་ དབང།། མཚན་ལྡན་སྲིད་སྐྱེད་ལྟེ་བའི་གཞལ་ཡས་སུ།། རྡོ་རྗེ་ལས་གསང་ཐུགས་ཀྱི་དབང་བསྐུར་རོ།། གསལ་བ་རབ་བརྗིད་ཡེ་ཤེས་སེམས་དཔའི་ངང།། ཤེས་རབ་འོད་འཕྲོ་ཉོན་མོངས་ཟིལ་གྱིས་གནོན།། རྡོ་རྗེ མདའ་འཕེན་ཤེས་རབ་དབྱིངས་སུ་འཕེན།། དཀྱིལ་འཁོར་མཐའ་སྡུད་ཡེ་ཤེས་གསང་བའི་བདག། སངས་རྒྱས་ལྔར་ལྡན་ཐུགས་ཀྱི་ཅོད་པན་ཅན།། རིན་ཆེན་རྒྱུག་བྱེད་རྩ་བའི་གཞལ་ཡས་སུ།། མཉམ་ཉིད་འོད འཕྲོ་ཆོས་སྐུའི་དབང་བསྐུར་རོ།། རྡོ་རྗེ་བདེ་ལྡན་ཐུགས་ཀྱི་གསང་མཆོག་སྐུ།། ཡང་དག་གསང་བ་ཐུགས་ཀྱི་དཀྱིལ་འཁོར་བདག། གསང་ལྡན་དབྱིངས་དང་ཡེ་ཤེས་འོད་འཕྲོ་ཞིང།། ཕྱོགས་མེད་རང་སྣང་ཆོས་སྐུའི དཀྱིལ་འཁོར་བདག།བདེ་ལྡན་ཆོས་དབྱིངས་གསང་བར་དབང་བསྐུར་རོ།། གསང་སྔགས་སྐུ་དང་ཡང་དག་མཐའ་འདས་དང།། ས་རྣམས་མཐར་ཕྱིན་ཡེ་ཤེས་རྣམ་པར་དག། ཆོས་ཉིད་སྣང་སྟོང་ཀ་དག་ཉིད་དུ་ སྣང།། བྷནྡ་གསལ་འཕྲོ་འཁོར་ལོའི་གཞལ་ཡས་དབྱིངས།། རྟོག་མེད་བསམ་ཡས་སྙིང་པོ་ལྔ་ཡི་སྐུ།། རྡོ་རྗེ་ཐུགས་ཀྱི་སྲས་སུ་དབང་བསྐུར་རོ།། དེ་ལྟར་ཚིག་དོན་རྫོགས་བྱས་ནས།། སྔགས་དང་ཕྱག་རྒྱ་འདི་ལྟར བསྟན།། མཁས་པ་ཏིང་འཛིན་ལྡན་པ་ཡིས།། དེ་ལྟར་ཏིང་འཛིན་ལྡན་པར་བསྐུར།། རྣམ་སྣང་མངོན་བྱང་ཕྱག་རྒྱ་ཡིས།། སྤྱི་གཙུག་གནས་སུ་རྣམ་པར་བཞག། ཨོྂ་ཨཱཿཧཱུ~ྂ་སཝཱ་ཧཱ། བུདྡྷ་ཙཀྲ་པ་ཙ་ཧཱུ~ྂ་ཧཱུ~ྂ། འོད་ཟེར་འཕྲོ འདུ་ལྡན་པ་ཡི།། མངོན་བྱང་སྐུ་དང་དབྱེར་མེད་བསམ།། གཡས་ནི་རྡོ་རྗེ་རྩེ་གསུམ་ཚུལ།། གཡོན་ན་དྲིལ་བུ་དཀྲོལ་བའི་ཚུལ།། མགྲིན་པའི་གནས་སུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། བཛྲ་ཙཀྲ་པ་ཙ་ཧཱུ~ྂ་ཧཱུ~ྂ། ལག གཉིས་མཉམ་པར་བཞག་པ་ཡིས།། ཐུགས་ཀའི་གནས་སུ་རྣམ་པར་བཞག། ཨོྂ་ཨཱཿཧཱུ~ྂ་སཝཱ་ཧཱ།། རཏྣ་ཙཀྲ་པ་ཙ་ཨ་བྷི་ཥིཉྩ་ཛ་ཨ་ཨ་ཨ། ལག་གཉིས་མཉམ་པར་བཞག་པ་ཡིས།། ལྟེ་བའི་གནས་སུ བཞག་ནས་ནི།། དེ་ལ་ཡང་ནི་འདི་སྐད་དོ།། ཨོྂ་ཨཱཿཧཱུ~ྂ་སཝཱ་ཧཱ།། པདྨ་སརྦ་ཀུ་ལ་ན་ཧ་ཧ་ཧཱུ~ྂ་ཨ། ལག་གཉིས་མཉམ་པར་བཞག་པ་ཡིས།། དཔྲལ་བའི་གནས་སུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ།། ཀརྨ་དུཥྟན་གྷར་ཨཉཱ་ཧཱུ~ྂ ཀྲ་བྷ་རྩ་མ་ཧརི་ཧརི་དྷྲི།གཡས་པ་རལ་གྲིའི་ཚུལ་བྱས་ལ།། གཡོན་པ་ཐུགས་ཀར་རྣམ་པར་བཞག། ཨོྂ་ཨཱཿཧཱུ~ྂ་སཝཱ་ཧཱ། མ་ཛུ་ཏ་སྔ་བཛྲ་སིད་ཏི་ཧ་ཧ་ཧ། ལག་གཉིས་མཁྲིག་མ་བསྣོལ་ནས་ནི།། སྣ་ཚོགས་རྡོ་རྗེ་ཚུལ་དུ་ བྱ།། སྙིང་ག་ཉིད་དུ་རྣམ་པར་བཞག། ཨོྂ་ཨཱཿ་ཧཱུ~ྂ་སཝཱ་ཧཱ། ཨོྂ་ནཱ་ག་ལམ་བཛྲ་ཀྲོ་དྷ་ཧཱུ~ྂ་ཧཱུ~ྂ་ཕཊ་ཕཊ། གཡས་པ་བརྐྱངས་ཏེ་ཐུགས་ཀ་རུ།། ཐལ་མོ་སྐྱབས་སྦྱིན་ཚུལ་དུ་བཟེད།། གཡོན་པ་བརྐྱངས་ཏེ་དེ་བཞིན་ནོ།། སྙིང་ག དག་ཏུ་གཞག་པར་བྱ།། ལག་གཡས་གུར་ཀྱི་ཚུལ་བྱས་ལ།། སྤྱི་གཙུག་ཉིད་དུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། བཱ+ེ་ཤེད་སཝཱ་ཧཱ་ཧཱུ~ྂ། གཡས་པས་བརྡེག་པ་ལྟར་བྱས་ལ།། སྙིང་གའི་གནས་སུ་གཞག་པར་བྱ།། ཨོྂ་ཨཱཿཧཱུ~ྂ སཝཱ་ཧཱ།ོྂ་བཛྲ་དྷྲྀཀ། སཝཱ་རཏྣ་དྷྲྀཀ། པཱྂ་རཱ་ག་ར་ཏི། མཱྂ་མོ་ཧ་ར་ཏི། ཨཱྂ་ཨཱ་རོ་ལིཀ། བཛྲ་ས་ཏྭ་ཧཱུ~ྂ་ཧཱུ~ྂ་སཝཱ་ཧཱ།། རྡོ་རྗེ་ཁུ་ཚུར་བསྣོལ་བྱས་ལ།། སྙིང་གའི་གནས་སུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། པྲ་ཛྙཱ་སརྦ་ཧཱུ~ྂ་སཝཱ་ཧཱ། ཨ་བྷི་ཥིཉྩ་ཛ།། རིན་ཆེན་སྒྲོམ་བུ་ལྟར་བྱས་ལ།། གསང་བའི་གནས་སུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། བཛྲ་ཨཱ་ཡུ་སཝཱ་ཧཱ། ཧཱུ~ྂ་ཧཱུ~ྂ་ཨ། ལག་གཉིས་པདྨ་ལྟར་བྱས་ལ།། སྙིང་གའི་གནས་སུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ ཧཱ། མྲི་ཏ་རུ་པ་ཧ་ལ་ཧཱུ~ྂ། གཡོན་པ་སྡིགས་མཛུབ་ཕྱག་རྒྱ་ཡི།། ལག་པའི་མཐིལ་དུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། ཨ་ཀྲོ་རཏྣ་ཨ་བྷི་ཥིཉྩ་ཨཱ་ཨཱ། གཡས་པས་སེ་གོལ་ཕྱག་རྒྱ་ནི།། ལྟ་བའི་གནས་སུ་གཞག་པར་བྱ། ཨོྂ་ཨཱཿཧཱུ~ྂ་སཝཱ་ཧཱ། ཧ་ཡ་གྲཱི་བ་སརྦ་ཀུ་ལ་ན་སི་ཏི་ཧཱུ~ྂ། ལག་གཉིས་ཁྱུང་གཤོག་ལྟར་བྱས་ལ།། སྨིན་ཕྲག་ཉིད་དུ་གཞག་བྱས་ལ།། ཨོྂ་ཨཱཿཧཱུ~ྂ་སཝཱ་ཧཱ། བྷུ་བྷུ་ཀྲོ་ཏ་སརྦ་ཀྲ་ཙམ་ཨ་བྷི་ཥིཉྩ་ཧཱུ~ྂ། ལག་གཉིས་བུམ་པ་ལྟར་བྱས ལ།། དཔྲལ་བའི་གནས་སུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། ཀུཎྜ་ལི་ཨ་མྲྀ་ཏ་ཀརྨ་ཧཱུ~ྂ། ལག་པ་སྲིན་ལག་མཐེབ་སྦྱར་ལ།། ལྕེ་ཡི་སྟེང་དུ་རྣམ་པར་བཞག། ཨོྂ་ཨཱཿཧཱུ~ྂ་སཝཱ་ཧཱ། བཛྲ་ཀྲིལཧྱ་སི་སྱ་ནྱ་བྷུམ་ཕཊ།། གཡོན པས་ལྕག་ཀྱུའི་ཕྱག་རྒྱ་ཡིས།། སྙིང་གའི་གནས་སུ་བཟུང་བྱས་ལ།། ཨོྂ་ཨཱཿཧཱུ~ྂ་སཝཱ་ཧཱ། ཛ་བ་རྒྱ་ཕཊ་ཕཊ་སཝཱ་ཧཱ།། ལག་གཉིས་ཞགས་པའི་ཕྱག་རྒྱ་ཡིས།། མིག་གི་གཡས་སུ་རེག་བྱས་ལ།། ཨོྂ་ཨཱཿ་ཧཱུ~ྂ་སཝཱ་ཧཱ། བཛྲ་སིང་ཧ་ཕཱ ལ་ཡཱ།བྷོ་ཏི་ཧོ་ཧོ་ཧོ།། ལག་གཉིས་འཁྱུད་བརྒྱུད་སྒྲོག་བསྡམས་ལ།། དཔུང་པ་གཡོན་དུ་གཞག་པར་བྱ། ཨོྂ་ཨཱཿཧཱུ~ྂ་སཝཱ་ཧཱ། ཨོྂ་མང་དུ་ས་ཡ་ཧཱུ~ྂ་ཨ་ཧོ།། གཡས་གདེངས་གཡོན་སྐུམ་ཁུ་ཚུར་གྱིས།། སྙིང་ག་ཉིད་དུ་བསྟན་ བྱས་ལ།ོྂ་ཨཱཿཧཱུ~ྂ་སཝཱ་ཧཱ།། གྷ་ན་བཛྲ་ཀ་པ་ཙ་ཧཱུ~ྂ་ཧཱུ~ྂ། ལག་གཉིས་དགྲ་སྟྭའི་ཕྱག་རྒྱ་ཡིས།། པུས་མོ་གཡོན་དུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ།། ཀ་ལ་ཧརི་སྟི་ཀུ་ལ་ན་ནྱེ་ཕཊ་ཕཊ་སཝཱ་ཧཱ། ལག་གཡས་ མགོའི་ཕྱག་རྒྱ་ཡིས།། སྤྱི་བོའི་གཙུག་ཏུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ།། པད་མཱནྟ་ཀྲྀད་ཧཱུ~ྂ་ཁ་ཡ་སཝཱ་ཧཱ།། གཡས་པ་རྩེ་གསུམ་ཕྱག་རྒྱ་ཡིས།། ལག་གཉིས་བུམ་པ་ལྟར་བྱས་ལ།། སྤྱི་གཙུག་དག་ཏུ་གཞག་པར་བྱ།། ཨོྂ ཨཱཿཧཱུ~ྂ་སཝཱ་ཧཱ་ཙན་བཛྲ་ན་ཡཱ+ེ་ཧྱེ་ཧྱེ་ཕཊ་ཕཊ་སཝཱ་ཧཱ།ལག་གཉིས་གཞུ་འགེངས་ཚུལ་དུ་བྱ།། གཡོན་གྱི་མཛུབ་མོ་སྣ་རྩེར་བཞག། ཨོྂ་ཨཱཿཧཱུ~ྂ་སཝཱ་ཧཱ། བཛྲ་ཀུན་རེ་སེར་སེར་ཧཱུ~ྂ་སཝཱ་ཧཱ། ལག་གཡོན་ལྕག་ཀྱུའི་ཕྱག་རྒྱ་ ཡིས།། སྙིང་ག་ཉིད་དུ་བཟུང་བྱས་ལ།། ཨོྂ་ཨཱཿཧཱུ~ྂ་སཝཱ་ཧཱ། བཛྲ་དུ་ཤན་ཀཱ་ཡ་བཛྲ་ཧཱུ~ྂ་ཧཱུ~ྂ། ལག་གཉིས་ཐོད་ཕྲེང་ཕྱག་རྒྱ་ཡིས།། སྤྱི་བོར་གཙུག་ཏུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། བཛྲ་མ་འཛུ་ཀ་ཊ་ར་མ་སུ་དྷ་ཧཱུ~ྂ་ཧཱུ~ྂ། ལག གཉིས་མཉམ་པར་བཞག་པ་ཡི།། མགྲིན་པའི་གནས་སུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། སི་ལ་སི་ཧཱུ~ྂ་ཨཱ། ལག་གཉིས་སེ་གོལ་བསྣོལ་མ་ཡི།། རྩིབ་ལོགས་གཡས་སུ་གཞག་པར་བྱ། ཨོྂ་ཨཱཿཧཱུ~ྂ་སཝཱ་ཧཱ། མ་ནུ་པ་རི་ཤ་ཨཱ བྷི་ཥིཉྩ་ཧཱུ~ྂ་ཨོྂ།གཡས་པའི་མཐབ་མས་གཡོན་མཛུབ་མནན།། རྩིབ་ལོགས་གཡོན་དུ་གཞག་བར་བྱ།། ཨོྂ་ཨཱཿ་ཧཱུ~ྂ་སཝཱ་ཧཱ། ཨ་ལ་ཧརི་ཨ་བྷི་ཥིཉྩ་ཨཱ།། གཡས་པ་རལ་གྲི་ལྟ་བུ་ཡི།། ལྕེ་ཡི་སྟེང་དུ་གཞག་པར་བྱ།། ཨོྂ་ཨཱཿཧཱུ~ྂ་ སཝཱ་ཧཱ།མཱུྂ་བྷྲུྂ་ཨ་བྷི་ཥིཉྩ་ཨོྂ་ཧཱུ~ྂ།། ལག་གཡོན་དག་གིས་སོར་མོ་ནི།། མཐིབ་དང་མཛུབ་དང་མཐེའུ་ཆུང་སྤྲད།། ལྷག་མ་གཉིས་ནི་བསྒྲེང་བར་བྱ།། གཡས་པས་ཐལ་མོ་གདེངས་པ་ཡིས།། ལྟག་པའི་ཁུང་དུ་གཞག་པར་ བྱ།། ཨོྂ་ཨཱཿཧཱུ~ྂ་སཝཱ་ཧཱ། སྟི་མི་སརྦ་ཨ་བྷི་ཥིཉྩ་སཝཱ་ཧཱ། ལག་པ་རྩེ་གསུམ་བསྒྲེང་བ་ཡིས།། རྣ་ལྟག་གཉིས་སུ་བཞག་པར་བྱ།། ཨོྂ་ཨཱཿ་ཧཱུ~ྂ་སཝཱ་ཧཱ། བཛྲ་པུན་ཧ་ཨ་བྷི་ཥིཉྩ་སཝཱ་ཧཱ།། ལག་པ་མཐེ་བོང་བསྒྲེང་བ་ཡིས།། རྣ་ལྟག གཡོན་དུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། མུ་ཐ་ཤི་ཨ་བྷི་ཥིཉྩ་ཨ། ལག་གཡོན་མཐེའུ་ཆུང་མཛུབ་བརྐྱངས་ཏེ།། ལྐོག་མའི་གནས་སུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། མུྂ་ལྂ་ཧྂ་ཏིལ་རི་ཨ་བྷི་ཥིཉྩ་ཨཱ། ལག་གཉིས་པདྨ ལྟར་བྱས་ཏེ།། ནུ་མ་གཡས་སུ་གཞག་བར་བྱ།། ཨོྂ་ཨཱཿཧཱུ~ྂ་སཝཱ་ཧཱ། ས་ལམ་ཀྲོ་ཏི་ཨ་བྷི་ཥིཉྩ་ཨ། ལག་གཡོན་རྩིབས་བཞི་ལྟར་བྱས་ལ།། མཚོགས་མའི་སྟེང་དུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། བྷི་ཤིར་ཨ་བྷི་ཤི་ཏི་ན་ཤཱ ཨཱ།ལག་གཉིས་སོར་མོ་བསྣོལ་བྱས་ཏེ།། སྤྱི་གཙུག་སྟེང་དུ་གཞག་པར་བྱ།། ཨོྂ་ཨཱཿཧཱུ~ྂ་སཝཱ་ཧཱ། བྷི་ཤ་སྟན་ཏ་ཤ་ར་ཨ་བྷི་ཥིཉྩ་ཨཱ། སྐྱོབ་པ་མཐར་ཕྱིན་སྔགས་ལྡན་པའི།། བདེ་གཤེགས་དབུ་ཡི་དབང་བསྐུར་ནི།། བཀྲ་ ཤིས་གདུགས་ལ་བརྟེན་བྱས་ནས།། དེར་མཆོག་བུ་ལ་གནས་པར་གྱིས།། ཨོྂ་ཨཱཿཧཱུ~ྂ་སཝཱ་ཧཱ། པི་བག་གྷ་ཡ་སི་ཨ་བྷི་ཥིཉྩ་ཨཱ། ལྟ་བྱེད་མ་འགགས་དོན་མཚོན་པའི།། བདེ་གཤེགས་སྤྱན་གྱིས་དབང་བསྐུར་ནི།། བཀྲ་ཤིས ཉ་ལ་བརྟེན་ནས་ནི།། དེང་མཆོག་བུ་ལ་གནས་བར་གྱིས།། ཨོྂ་ཨཱཿཧཱུ~ྂ་སཝཱ་ཧཱ། པྲ་ནི་པ་ཡ་བ་ཐུ་ག་བ་ཨ་བྷི་ཥིཉྩ་ཨཱ། སྨྲ་བྱེད་ཕ་རོལ་སྒྲོལ་ལ་མཁས།། སངས་རྒྱས་ལྗགས་ཀྱི་དབང་བསྐུར་ནི།། བཀྲ་ཤིས པདྨ་ལ་བརྟེན་ནས།། དེང་མཆོག་བུ་ལ་གནས་པར་གྱིས།། ཨོྂ་ཨཱཿཧཱུ~ྂ་སཝཱ་ཧཱ། ཏི་ཀ་ཏ་ཡི་སི་ཨ་བྷི་ཥིཉྩ་ཨཱ། ཆོས་རྣམས་ལམ་བྱུང་ཆོས་དབྱིངས་ཟླུམ།། སངས་རྒྱས་མགུར་གྱི་དབང་བསྐུར་ནི།། བཀྲ་ཤིས་བུམ་པ་ལ བརྟེན་ནས།། དེང་མཆོག་བུ་ལ་གནས་པར་གྱིས།། ཨོྂ་ཨཱཿཧཱུ~ྂ་སཝཱ་ཧཱ། ཏིཥྟ་ཀཱ་ལ་ཤ་ཨ་བྷི་ཥིཉྩ་ཨཱ། མི་ནུབ་རྒྱལ་མཚན་ཆོས་སྐུའི་དོན།། སངས་རྒྱས་རྣམས་ཀྱི་སྐུ་ཡི་དབང།། བཀྲ་ཤིས་རྒྱལ་མཚན་ལ་བརྟེན་ནས།། དེང མཆོག་བུ་ལ་གནས་པར་གྱིས།། ཨོྂ་ཨཱཿཧཱུ~ྂ་སཝཱ་ཧཱ། བྷི་ཤད་དྷེ་ཨ་ཡ་ཨ་བྷི་ཥིཉྩ་ཨཱ། སྒྲ་དབྱངས་རྟོག་མེད་དོན་མཚོན་པའི།། སངས་རྒྱས་རྣམས་ཀྱི་གསུང་གི་དབང།། བཀྲ་ཤིས་དུང་ལ་བརྟེན་ནས་ཀྱང།། དེང་མཆོག་བུ ལ་གནས་པར་གྱིས།། ཨོྂ་ཨཱཿཧཱུ~ྂ་སཝཱ་ཧཱ། པི་ཀྲ་ཡ་རྒྱ་ཨ་ཨ་བྷི་ཥིཉྩ་ཨཱ། གསལ་འོད་ལྡན་པ་དཔལ་བེའུའི་ཐུགས།། སངས་རྒྱས་རྣམས་ཀྱི་ཐུགས་ཀྱི་དབང། བཀྲ་ཤིས་དཔལ་བེའུ་ལ་བརྟེན་ནས།། དེང་མཆོག་བུ་ལ གནས་པར་གྱིས།། ཨོྂ་ཨཱཿཧཱུ~ྂ་སཝཱ་ཧཱ། ཙིཏྟཱ་ཡ་ཨ་བྷི་ཥིཉྩ་ཨཱ། ཐོགས་མེད་མྱུར་མགྱོགས་འཁོར་ལོའི་ཞབས།། སངས་རྒྱས་རྣམས་ཀྱི་ཞབས་ཀྱི་དབང།། བཀྲ་ཤིས་འཁོར་ལོ་ལ་བརྟེན་ནས།། དེང་མཆོག་བུ་ལ་གནས པར་གྱིས།། ཨོྂ་ཨཱཿཧཱུ~ྂ་སཝཱ་ཧཱ། ཙཀྲ་པུ་ལ་བྷིན་ཀུ་ཨ་བྷི་ཥིཉྩ་ཨཱ།། དབང་དང་ལྡན་པའི་དཀྱིལ་འཁོར་ནི།། དབང་མཆོག་རྫས་བྱིན་བྱས་ནས་ནི།། དཀྱིལ་འཁོར་ཐམས་ཅད་རྫོགས་བྱས་ཏེ།། དད་ལྡན་འཁོར་ལ་རྫོགས བྱ་སྟེ།། བདེ་ལྡན་གསང་མཆོག་བདེ་བའི་དབྱིངས།། ཡང་གསང་ཐུགས་ཀྱི་རྡོ་རྗེ་མཆོག། སངས་རྒྱས་ཀུན་དང་མཉམ་སྦྱོར་བས།། མཁའ་ལ་དབྱིངས་ལྡན་ཐམས་ཅད་དུ།། བདག་གིས་དབང་མཆོག་བསྐུར་བ བཞིན།། དེང་ནས་བཟུང་སྟེ་ཐོབ་པར་ཤོག། ཐོབ་ནས་འགྱུར་མེད་བརྟན་པར་ཤོག། ཡང་དག་གསང་བའི་དོན་ལྡན་དེས།། འཇིག་རྟེན་པ་ཡི་སྐུ་གསུང་ཐུགས།། དེང་ནས་བཟུང་སྟེ་མ་བཏང་ཞིག། ཨེ་མ་སངས་རྒྱས ཀུན་གྱི་དངོས།། རྡོ་རྗེ་འཆང་ཆེན་མ་བཏང་བར།། ཐུགས་ཀྱི་དཀྱིལ་དུ་ལེགས་པར་ཟུང།། ཨ་ལ་ལ་ཧོ་རྫོགས་སངས་རྒྱས།། བདག་གིས་དེང་ནས་བཟུང་ནས་ནི།། བསྐལ་བ་བརྒྱ་སྟོང་བར་དུ་ཡང།། བདག་གི་སྟོང པ་ཉིད་ཀྱི་སྐུ།། ནམ་དུ་ཡང་ནི་མི་བཏང་ངོ།། དེ་ལྟར་དབང་རྫོགས་བྱས་ནས་ནི།། ཕྱག་རྒྱ་སྔགས་དང་བཅས་པ་རྣམས།། སྐུ་ཡི་བར་དུ་བསྐུར་ནས་ནི།། གསང་སྔགས་ལྡན་པས་རྫོགས་པར་བྱ།། ཆེ་གསང་ཆེན་པོ འདི་བཤད་པས།། ཐམས་ཅད་རྫོགས་སངས་རྒྱས་ཀྱི་སྐུ་ཉིད་ཐོབ།། དེ་ལྟར་གཉིས་མེད་ལམ་མཆོག་ནི།། སངས་རྒྱས་རྣམས་ཀྱི་ཡེ་ཤེས་ཐུགས།། འདི་ནི་ངེས་པའི་ཡུལ་ཡིན་པས།། ཐབས་དང་ལྡན་པའི་ཡུལ་ཡང ཡིན།། ཡི་དམ་སེམས་ཀྱི་དཀྱིལ་འཁོར་ནས།། ཆོས་ཀྱི་སྐུ་དང་དབྱེར་མེད་པས།། གཉིས་སུ་མེད་པ་ཐོབ་བྱའི་ཕྱིར།། འདི་ནི་ངེས་པའི་རྒྱུད་ཆེན་གསང།། བདེ་མཆོག་ངེས་པའི་རྒྱལ་པོས བཤད།། གསང་བའི་གསང་མཆོག་ངེས་པའི་ལུང།། དབང་དང་ལྡན་པའི་དབང་ཉིད་ནི།། རྫོགས་པའི་སངས་རྒྱས་རྣམས་ཀྱིས་གསུངས།། སངས་རྒྱས་རྣམས་ཀྱི་སྐུ་གསུང་ཐུགས།། རྡོ་རྗེ་གསང་བའི་ལས འདིའོ།། ཆོས་ཉིད་གསང་བའི་ལེགས་པའི་ལམ་རྒྱན་ནི།། སྐུ་དང་རྡོ་རྗེ་ཡིད་བཞིན་ནོར་བུའི་ཀློང།། རྡོ་རྗེ་སེམས་དཔའི་སྐུ་གསུང་ཐུགས།། མདོར་བསྡུས་དབང་ཆེན་ཉིད་ཀྱིས་བཤད།། ཅེས་རྫོགས་པ་རང་བྱུང་ཆེན པོའི་རྒྱུད་ལས།འཁོར་ལོ་རིན་པོ་ཆེ་ལྟར་བཀོད་པའི་ལེའུ་སྟེ་ཉི་ཤུ་རྩ་གསུམ་པའོ།། རྫོགས་སོ།།།། རྒྱ་གར་སྐད་དུ།། རཏྣ་ཨ་བྷོ་ཥིཉྩ་ཨ་ནུ་ཙཀྲ་པྲ་སེ་ནཱ་མ། བོད་སྐད་དུ། དབང་ རིན་པོ་ཆེ་འཁོར་ལོ་རྣམ་པར་བཤད་ཞེས་བྱ་བ།བཅོམ་ལྡན་འདས་པདྨ་དབང་ལ་ཕྱག་འཚལ་ལོ།། དེ་ནས་པདྨ་དབང་ཆེན་ལ།། གསང་བའི་བདག་པོས་འདི་སྐད་གསོལ།། ཀྱེ་ཀྱེ་བཅོམ་ལྡན་དབང་ཆེན་སྐུ།། གསང་ བའི་དབང་གི་རྣམ་པའི་ཚོམ།། དབང་ཆེན་ཉིད་ཀྱི་བཀའ་སྩོལ་ཅིག། དེ་ནས་ཕྱག་ན་རྡོ་རྗེ་ལ།། གསང་བའི་གསང་བདག་ཆེན་པོ་ཡིས།། གསང་བའི་དབང་ནི་འདི་སྐད་བཤད།། ཀྱེ་རྡོ་རྗེ་འཛིན་པ་ཉོན་ཅིག། ངས བསྟན་ལེགས་པར་ཡིད་ལ་ཟུང།། དབང་གི་རྣམ་པ་བཤད་བྱ་ཡི།། དཀྱིལ་འཁོར་ཚོན་དང་རྫས་རྣམས་བཤད།། སྐུ་གསུང་ཐུགས་དང་ཚོན་ཡིག་བཤད།། ཕྱི་དང་ནང་དང་གསང་བ་བཤད།། ཡོངས་སུ་རྫོགས་པ་ཆེན པོ་བཤད།། ཕྱི་ལྟར་བཤད་པ་འདི་ལྟ་སྟེ།། དཀྱིལ་དང་འཁོར་དང་བྷནྡྷ་དང།། དཀྱིལ་ནི་དབང་གི་གཞི་ཡིན་ལ།། འཁོར་ནི་དབང་གི་ལམ་ཡིན་ནོ།། བྷན་ནི་འཛིན་པའི་དོན་ཡིན་ལ།། དྷ་ནི་གསང་མཆོག་བདེ་བའི གནས།། སྐུ་ནི་སྤྲུལ་པའི་གསང་མཆོག་སྟེ།། རྡོ་རྗེ་ཐུགས་ཀྱི་དོན་ཡིན་ནོ།། དྲིལ་བུ་རྟོགས་པ་མཆོག་གསང་ཡིན།། སྤྱན་ལ་དབང་ནི་བསྐུར་བ་ནི།། ཐུགས་གསང་རྡོ་རྗེའི་སྐུ་ཐོབ་ཡིན།། དྲི་མེད་སྤྱན་ནི་རྣམ་པ་ལྔ། མི རྟོག་ཐོབ་པ་ཐེ་ཚོམ་མེད།། རྡོ་རྗེ་ལས་ཀྱི་ཆུ་ཉིད་ནི།། རྒྱུ་གཅིག་འབྲས་བུ་ཁྱད་པར་ཆེ།། གཉིས་སུ་ཟད་ཅིང་བརྟགས་པ་གཉིས།། འཁོར་དང་མྱ་ངན་འདས་པའོ།། དགོངས་སུ་གསོལ་བའི་ཐ་ཚིག་ནི།། ཐོབ་པའི རྒྱུད་དང་བླང་ཐབས་སོ།། སྙན་གྱི་དབང་དག་བསྐུར་བ་ཡང།། ཐོགས་མེད་སྙན་ནི་རྣམ་དྲུག་གིས།། དོན་དང་ལས་ནི་རྫོགས་པའོ།། ཤངས་ལ་དབང་ནི་རྫོགས་བྱེད་པ།། དྲི་ལྡན་མཚན་མ་གསུམ་ཐོབ་སྟེ།། གནས བྱེད་ལྗགས་ལ་དབང་བ་ན།། རོ་ལྡན་འབྲས་བུ་བརྒྱད་ཐོབ་པོ།། དེ་ལྟར་རྫོགས་བྱེད་དབང་གི་ཚིག། མཁས་པ་ཡིས་ནི་རྫོགས་པར་བྱ།། འདུས་པ་བཞི་ཡང་རྫོགས་པ་སྟེ།། མེད་པ་བཞི་ཡང་ཐོབ་པ་སྟེ།། སྣང་བ གསུམ་ལ་དབང་བསྐུར་ཐོབ།། རྡོ་རྗེ་གསང་ཐོབ་དྲུག་ཐོབ་སྟེ།། འཛིན་པ་བཅུ་ལས་རྣམ་པར་ཐར།། སྟོང་པ་ཉིད་ནི་རྣམ་གསུམ་རྫོགས།། སྟོང་པའི་ཡུལ་ནི་གཞི་དག་ལ།། རང་དབང་ཉིད་དུ་བསྒྱུར དབང་ཐོབ།། ལོག་པ་ཉིད་ལས་རྣམ་བར་གྲོལ།། ས་མཆོག་བཅུ་གཅིག་ཡོངས་སུ་རྫོགས།། མཚན་མ་བཅུ་དྲུག་ཟིལ་གྱིས་གནོན།། གཅིག་ལས་འབྲས་བུ་རྣམ་གསུམ་ཐོབ།། གཉིས་རྫོགས་ས་ལ་རྣམ་པར གནས།། མཆོག་ཏུ་ལྡན་པ་གསུམ་ཡིག་ཡིན།། བྱ་བྲལ་ཐེག་པ་གསུམ་ཐོབ་སྟེ།། སྐྱེ་མེད་འཁོར་ལོ་དྲུག་ཀྱང་བསྐོར།། ཏིང་འཛིན་དྲུག་ལ་དབང་བསྒྱུར་ཞིང།། སྡུག་བསྔལ་གསུམ་ལས་རྣམ་པར་ཐར།། བྱེད་པའི་སྦྱོར བ་ཤིན་ཏུ་ཐོབ།། ཁམས་ལན་གསུམ་ལས་ནི་རྣམ་པར་བརྒལ་ཀྱང་བྱུང། གསུམ་ལས་ནི་རྣམ་པར་རྒྱལ།། འདུས་པའི་རྩ་ནི་སྟོང་ཕྲག་ལས།། བདེ་བའི་རླུང་ནི་བརྒྱད་ཅུ་ཐོབ།། འཚེར་བའི་ཐིག་ལེ་རྣམ་དགུ་ལས།། སྟོང་པའི་བདེ བ་བཅོ་བརྒྱད་ཐོབ།། གསང་བ་ལུས་ནི་གསུམ་དག་ལ།།